Reaksie op Douglas Gibson se artikel oor Afrikaans en Stellenbosch.
Dr. Pieter Mulder, VF Plus
Prof Hermann Giliomee spreek sy kommer oor Afrikaans uit (Beeld 2/9/2017). Hy is ook teleurgesteld in die DA se rol en onbetrokkenheid om die agteruitgang van Afrikaans te help keer — siende dat so baie Afrikaanssprekendes vir die DA stem.
Douglas Gibson, voormalige hoofsweep van die DA, reageer op Giliomee se akademiese artikel en politiseer so die debat (Beeld 2/9/2017). In politieke styl skryf hy hoe geskok hy was oor Giliomee se artikel. In plaas daarvan om Giliomee se argumente aan te val, val hy sy persoon aan. Hy skryf:
“Ek was stomgeslaan…dat ʼn akademikus van Giliomee se statuur nie die Grondwet gelees het nie, of dan minstens nie verstaan het wat hy lees nie.”
Gibson eindig sy artikel met aanhalings van DA leiers wat oor Afrikaans praat. Daarmee probeer hy vir Giliomee verkeerd bewys.
My reaksie na ek die artikel gelees het was: “Praat is vir die DA maklik maar doen is die ware toets.”
Waar ek reeds 29 jaar in die parlement is, was my ervaring van die DP en die latere DA beslis nie so pro-Afrikaans soos Gibson dit voorstel nie. Ek het die DA eerder beleef soos in Giliomee se artikel verwoord.
Die mooi Afrikaanse gesegde lui: “Woorde wek, maar voorbeelde trek.” Ek het ruimte vir net enkele voorbeelde:
Tydens die grondwetlike onderhandelinge 1994-1996 was ek lid van die onderhandelingskomitee wat oor taal in die grondwet moes besluit. Namibië, wat kort van te vore ʼn nuwe grondwet gekry het, het besluit om Engels die enigste amptelike taal vir Namibië te maak.
Verskeie nie-politieke organisasies het voorleggings aan ons komitee gemaak dat Engels, soos in Namibië, die enigste amptelike taal vir Suid-Afrika moet wees. Dit, terwyl Engels maar die vyfde grootste taal in Suid-Afrika was, met isiZulu eerste, gevolg deur isiXhosa en Afrikaans as derde grootste taal.
Ek het namens die VF verskeie voorstelle gemaak oor hoe landwyd, maar veral in provinsies erkenning aan al die verskillende tale van Suid-Afrika gegee kan word, wetende dat Afrikaans en Engels nooit weer alleen op so ʼn posisie sou kon aanspraak maak nie.
Senator Errol Moorcraft het namens die Demokratiese Party, ʼn voorstel by die komitee ingedien. Die Demokratiese Party se voorstel was dat Engels die hooftaal of lingua franca van Suid-Afrika moes word. Die Burger berig 3 Augustus 1995 hieroor onder die opskrif “DP se omstrede Engelse taalbeleid gou bespreek.” Hierdie voorstel van die Demokratiese party het in die ANC se hande gespeel en dit vir ons baie moeilik gemaak om veeltaligheid te bevorder. Na openbare skok en druk het die Demokratiese Party later hierdie taalbeleid moes verander.
Dit is lank terug, kan geredeneer word. Maar verlede jaar duik die kwessie van Engels as hooftaal of voorkeurtaal weer op. Maart 2016 besluit die DA in die Wes-Kaapse parlement dat Engels voortaan sy voorkeurtaal sal wees en dat sy Hansarddienste slegs in Engels beskikbaar sal wees. Dit terwyl die sensus toon dat die meerderheid mense in die provinsie Afrikaans praat (49%) teenoor slegs 20% Engels. Selfs isiXhosa op 25% word meer as eerste taal in die Weskaap gepraat as Engels.
Dit is ironies dat alhoewel die Grondwet van die Wes-Kaap gelyke erkenning aan Afrikaans, Engels en isiXhosa verleen en die DA hier in beheer is, hy nie meertaligheid bevorder nie maar kies om Engels te gebruik. Dit terwyl ʼn ANC beheerde provinsie soos die Vrystaat besluit het om Hansard in Sesotho, Afrikaans en Engels uit te gee.
Met die aanslag teen Afrikaans as voertaal by universiteite, was die DA se standpunte ook verwarrend met geen werklike DA druk op universiteitsowerhede nie.
Volgens die onderwysvakbond SAOU het 54 000 wit, bruin en swart Afrikaanssprekendes in 2011 matriek geskryf. Hiervan het 36 000 universiteitstoelating gekry waarvan 29 000 hulle by universiteite ingeskryf het. Dit regverdig twee tot vier kampusse wat Afrikaanse klasse aanbied.
Van die 36 universiteitskampusse in Suid-Afrika is slegs een, die NWU se Potchefstroomse Kampus, nog oorwegend Afrikaans. Dit beteken dat die meeste kursusse daar nog van die begin tot die einde in Afrikaans voltooi kan word.
September 2014 besoek die Parlement se Portefeuljekomitee vir Hoër Onderwys die Noordwes Universiteit se Potchefstroomse kampus. Die enigste kampus wat nog oorwegend in Afrikaans, met tolkdienste na Engels, klas gee. Die komitee plaas baie druk op Afrikaans met hulle ingrypende aanbevelings oor hoe die Potchefstroomse kampus getransformeer moet word. Toe die verslag in die parlement bespreek word, is ons verras dat die DA al die aanbevelings steun. Dit is slegs die VF Plus wat op die implikasies van die aanbevelings vir Afrikaans op tersiêre vlak wys en daarteen stem. (Kyk 27 Nov 2014, Nasionale Vergadering Notule). Is een oorwegend Afrikaanse kampus te veel gevra?
Die Parlement se Portefeuljekomitee vir Kuns en Kultuur, waarop ek dien, moet jaarliks verskeie monumente se begrotings goedkeur. Toe onlangs die Afrikaanse Taalmonument en Museum in die Paarl aan die beurt kom, maak die ANC en die EFF ernstig beswaar. Die ANC argumenteer dat dit “an evil” monument is wat aan apartheid herinner en dat alle verdere geld aan die monument dadelik afgekeur moet word.
Op my en ander lede se voorstel besluit ons om die Taalmonument te besoek voor so ʼn drastiese besluit geneem word.
Die bestuur van die monument het moeite gedoen om ons in te lig oor al die aktiwiteite van die monument. Nadat ek die simboliek van die Taalmonument aan die ander partye se parlementslede verduidelik het, was die voorsitter se opmerking teenoor my: “dr. Mulder, this is an honest monument.” Daarna is die begroting goedgekeur. Dit beteken dat die monument met sy goeie werk kan voortgaan en dat al die werknemers, waarvan die meerderheid bruin is, se poste verseker is. Die twee DA lede van die komitee het die besoek nie meegemaak nie.
Louis Luyt het as Afrikaanssprekende baie frustrasies as lid van die DA ervaar. In sy latere kritiek op die DA het hy hulle herinner aan hulle destydse voorstel vir Engels alleen tydens die grondwetlike onderhandeling. Hy het verder beweer dat hulle die “stryd vir Afrikaans” misbruik net om stemme te werf (Die Burger, 17 Feb 2006).
Niemand betwyfel die DA aanhalings oor Afrikaans, soos deur Gibson aangehaal nie. Toe die DA egter geleenthede soos hierbo gekry het om die party se erns met hierdie sake te bewys, het dit nie gebeur nie. Daarom is die gesegde: “Woorde wek, maar voorbeelde trek” wel hier ter sake.
Miskien moet ek moedswillig wees en in die lig van die voorbeelde hierbo met Ralph Emerson se aanhaling in Engels afsluit: “Your actions speak so loudly, I can not hear a word what you are saying” 1090 woorde
56-80= 1076
99999
Louis Luyt, wat as Afrikaanssprekende baie frustrasies as lid van die DA ervaar het, kon nie anders as om die DA aan hulle destydse voorstel vir Engels alleen tydens die grondwetlike onderhandeling te herinner nie en te beweer dat hulle die “stryd vir Afrikaans” misbruik om stemme te werf (Die Burger, 17 Feb 2006).
. Tydens verlede jaar se studenteraadsverkiesings by die Universiteit van Pretoria, steun die Studenteraadskandidate van die Demokratiese Party se Studente organisasie DASO die #AfrikaansMustFall-veldtog ongeag hulle leiers se uitsprake.
Met die aanslag teen Afrikaans as voertaal by universiteite, is die DA se standpunte ook verwarrend. Tydens verlede jaar se studenteraadsverkiesings by die Universiteit van Pretoria, steun die Studenteraadskandidate van die Demokratiese Party se Studente organisasie DASO die #AfrikaansMustFall-veldtog ongeag hulle leiers se uitsprake.
(Die DA hoef nie grondwetlike mag te he om saam met baie ander druk op byvoorbeel die Universiteit van Stellenbosch en die regering te plaas om Afrikaans by Universiteite geleidelik uit te fasseer nie.)
Art 29(2) van die grondwet: “Elkeen het die reg om in openbare onderwysinstellings onderwys te ontvang in die amptelike taal of tale van eie keuse waar daardie onderwys redelikerwys doenlik is. Ten einde … hierdie reg te verseker, moet die staat alle redelike alternatiewe.. met inbegrip van enkelmedium oorweeg, …”
Tydens die grondwetlike onderhandelinge het senator Errol Moorcraft, namens die Demokratiese Party, ʼn voorstel ingedien dat Engels die lingua franca of hooftaal van Suid-Afrika moes word. Die Burger, 3 Aug 1995, “DP se omstrede Engelse taalbeleid gou bespreek.”
Louis Uyt kon nie anders as om later die DA hieraan te herinner nie en te beweer dat hulle die “stryd vir Afrikaans” misbruik om stemme te werf . Die Burger, 17 Feb 2006,
Woorde wek, maar voorbeelde trek. Actions speak louder than words.
Find & Share Quotes with Friends
Ralph Waldo Emerson > Quotes > Quotable Quote
“Your actions speak so loudly, I can not hear what you are saying.”
What you do speaks so loud, that I cannot hear what you say.
actions speak louder than words
: 11 Maart 2016
Dr. Mulder sê die besluit is ʼn gevoelige slag vir meertaligheid in die provinsie. Hy sê die Hansard was tot op hede beskikbaar in Engels, Afrikaans en Xhosa in ʼn poging om meertaligheid te bevorder.
Die besluit van die DA se Wes-Kaapse parlement dat Engels voortaan sy voorkeurtaal sal wees en dat sy Hansarddienste slegs in Engels beskikbaar sal wees, is uiters teleurstellend aangesien die laaste sensus getoon het dat 49% mense in die provinsie Afrikaans praat teenoor slegs 20.2% Engels, sê dr. Corné Mulder, LP en VF Plus-leier in die Wes-Kaap.
Dr. Mulder sê die besluit is ʼn gevoelige slag vir meertaligheid in die provinsie. Hy sê die Hansard was tot op hede beskikbaar in Engels, Afrikaans en Xhosa in ʼn poging om meertaligheid te bevorder.
Voortaan sal toesprake in Afrikaanse en Xhosa in Engels vertaal word. Engelse toesprake sal egter nie in Afrikaans en Xhosa beskikbaar wees nie. Alles wat dus op ’n parlementêre sitting of vergadering in Afrikaans of Xhosa gesê word, sal in die Engelse Hansard verskyn.
“Wanneer daar gepraat word oor die taalkwessie, soos onlangs by die Universiteit van Stellenbosch, dan sê die DA hy steun Afrikaans en meertaligheid. Wanneer dit egter in die praktyk kom, wys die party sy ware kleure oor taal en Afrikaans in die besonder – en verloën hy juis die beskerming soos bepaal in die Wes Kaap Grondwet.
“Dit is vir die VF Plus nie aanvaarbaar dat die parlement van ʼn provinsie sy inwoners so misken soos hier nie. Selfs Xhosa op 24.7% word meer gepraat as Engels.
“Dit is ironies dat alhoewel die Grondwet van die Wes-Kaap gelyke erkenning aan Afrikaans, Engels en Xhosa verleen en die DA hier in beheer is, hy nie meertaligheid bevorder nie maar kies om Engels te gebruik. Hiermee maak die DA hom die vyand van Afrikaans en Xhosa.
“Jy kan nie in een asem sê jy erken die Wes-Kaap se drie tale en dan misken jy Afrikaans, wat deur die meerderheid gepraat word bloot weens swak administratiewe/finansiële bestuur wat dit nie moontlik maak nie.
“Die VF Plus is verbind tot die beskerming van die regte van minderhede insluitende taal en kultuur-historiese-geskiedenis soos bepaal deur die Verenigde Nasies (VN) se 1992-Deklarasie oor Minderheidsregte en dit bly ons prioriteit.
“Hierdie doelwit kan net bereik word as die kieserspubliek die proporsionele kiesstelsel tot sy reg laat kom deur multi-party demokrasie volledig in werking te stel om as voorbeeld Afrikaans as minderheidsreg te beskerm.
“Hierdie is ʼn klap in die gesig van die meerderheid bruin en wit inwoners van die Wes-Kaap, en die DA sal voortaan oop kaarte moet speel met die publiek oor waar hy staan met Afrikaans,” sê dr. Mulder.
Douglas
Nadat prof Hermann Giliomee sy bekommernis oor Afrikaans
,
voor meer doen en oor die by
Gibson was geskok oor prof Hermann Giliomee se aanval op die DA. Dan beledig hy
Maak hy ʼn persoonlike aanval op prof Giliomee.
Dit is jammer dat hy op prof Giliomee se argumente reageer deur ʼn aanval op sy persoon te maak. Hy skryf:
Die DA standpunt het oor jare nie verander nie.
Ek het groot respek vir ʼn kieser wat sorg dat hy/sy ingelig is en dan volgens sy oortuiging stem. Ek het egter ʼn afkeer aan kiesers wat sonder enige inligting stem asook vir politici wat met politieke leuens kiesers na ʼn aprty lok wat later blyk glad nie die beleid van die party te wees nie.
Die ou politieke grappie vertel van die stemwerwer wat met ʼn tas by ʼn huis opdaag om die kieser vir sy party te werf. Ek het een stel beginsels in hierdie tas, as jy daarvan hou nie het ek ʼn ander tas met ʼn ander stel beginsels.
In die huidige termyn van die parlement
s
Michael Jonas direkteur
